Wednesday, March 18, 2009

In abyss

Ya sooooo this is my first blog...

So for all those who've been waiting for my master pieces to be posted here ... lemme apologise... but I coulnt have helped it coz writing to me is more therapeutic than habitual.....

this obviously is the best time for it..........



Here's the latest one of my writings.... depressing but inspired by a recent suicide in Mumbai


Saamne ke ghar mein poorab ko dekhti hui ik khidki hai
Sooraj ki pehli kirne ab bhi us ghar ki farsh par sabse pehle chhitakti hain
Ab bhi savere ki thandi anchhui hawa be-rok-tok chali aati hai wahan
Kone mein rakhe sangmarmar ke mandir mein Krishna ki pratima
Ab bhi usi tambe ki murali ke saath viraajti hai wahan
Ab bhi sab kuchh waisa hi hai
Fark sirf itna hai
Ki ab laal chhudiyon se bhari kalaiyaan
Parde ki ot se sooraj ko nahi pukarti
Ab geeli hawaein kisi ke aanchal ki kor ko bhigo ke nahi jaati
Ab Krishna ki bansi kisi Deepak ki lau se nahi chamchamaati
Ab kewal khamoshi budbudaati hai
Ab kewal tanhai muskurati hai
Kal raat khidki ke neeche kisi ne holi ke rang bikhra diye shayad